Almaniya kansleri Frdrix Merz Ağ Evdə ABŞ Prezidenti Donald Tramp və Ukrayna Prezidenti Volodimir Zelenski ilə görüş zamanı bildirib ki, Rusiya və Ukrayna arasındakı münaqişə ilə bağlı daha ciddi danışıqlar üçün “yol açıqdır.”
KONKRET.az milli.az-a istinadən xəbər verir ki, Merz qeyd edib ki, Tramp Rusiya Prezidenti Vladimir Putinlə Alyaskada görüşdükdən sonra bu yolu açıb.
“İndi mürəkkəb danışıqlar üçün yol açıqdır,” – o, deyib.
Merz Avropa liderlərinin daha çox danışıqlar başlamazdan əvvəl atəşkəsin olmasını istədiklərini təkrar edib.
“Gələcək görüşün atəşkəs olmadan baş tutacağını təsəvvür edə bilmirəm,” – o, bildirib. “Gəlin bunun üzərində işləyək.”
