İran Prezidenti Məsud Pezeşkian sentyabrın 23-də BMT-nin illik toplantısında iştirak etmək üçün Nyu-Yorka səfər edəcək.
Missiya.Az xəbər verir ki, bu barədə İran Prezident Aparatının Əlaqələr və informasiya məsələləri üzrə müavini Seyid Mehdi Təbatəbai məlumat verib.
Onun sözlərinə görə, Pezeşkianın Nyu-Yorka səfəri çərçivəsində Amerika rəsmiləri ilə görüşüb-görüşməyəcəyi barədə dəqiq qərar yoxdur:
“Düşünürəm ki, cənab Prezidentin BMT-yə səfəri sentyabrın 23-də baş tutacaq. Lakin istər ölkədə, istərsə də diplomatiya sahəsində proseslərin tempi çox sürətlidir, buna görə də bu suala dəqiq cavab verə bilmirəm”, - deyə siyasətçi vurğulayıb.
Təbatəbai qeyd edib ki, Pezeşkianın Avropa liderləri ilə görüş keçirməsi gözlənilir və bu məsələdə heç bir məhdudiyyət yoxdur.
Daşqın HəsənovMissiya.Az
