Xalqcebhesi portalından alınan məlumata görə, ain.az xəbər verir.
Putinlə Trampın Alyaskadakı görüşü ABŞ-ın Putinə münasibətinin dəyişməsinin simvolu oldu. Əgər əvvəllər axtarışda olan cinayətkar (Putin nəzərdə tutulur - red) idisə və Qərb dünyasının liderlərindən heç biri onunla görüşmək istəmirdisə, indi o, qanuniləşdirilib.
Bunu "Xalq Cəbhəsi"nə Ukrayna Milli Strateji Araşdırmalar İnstitutunun Xarici Siyasət Araşdırmaları Mərkəzinin baş məsləhətçisi, iqtisad elmləri namizədi İvan Us deyib.
"Əslində, onun əsas uğuru Trampla əl sıxıb çəkdirdiyi fotoşəkilləridir. Digər nəticələrə gəlincə, ləğv edilmiş şam yeməyi və qısaldılmış mətbuat konfransı ilə görüş proqramı göstərir ki, ABŞ və Rusiyanın hər hansı bir məsələdə razılığa gəlməkdən daha çox razılaşa bilməməsi ehtimalı yüksəkdir" _ deyib politoloq.
Us deyib ki, Ukrayna məsələsinə gəlincə, avqustun 18-də Trampla Zelenskinin görüşü buna daha çox aydınlıq gətirəcək.
Cavid
Ən son xəbərləri və yenilikləri almaq üçün ain.az saytını izləyin.
