Azertag portalından əldə olunan məlumata əsasən, ain.az xəbər verir.
Belqrad, 14 avqust, AZƏRTAC
Serbiyanın müxtəlif şəhərlərində ötən gecə baş verən iğtişaşlar zamanı 27 polis əməkdaşı və 80-dən çox vətəndaş xəsarət alıb.
AZƏRTAC xəbər verir ki, bu barədə ölkənin daxili işlər naziri İvitsa Daçiç bildirib.
Nazir polislərdən bəzilərinin yaralarının ciddi olduğunu, 5 polis maşınına və 22 digər texnikaya zərər dəydiyini diqqətə çatdırıb. O, iğtişaşlarda iştirak edən 47 nəfər barəsində cinayət ittihamının irəli sürüldüyünü və 5 cinayət işinin açıldığını deyib.
Hərbi Təhlükəsizlik Agentliyinin direktoru Duro Yovaniç isə vurğulayıb ki, Serbiya Ordusunun hərbçiləri gecə Novi Sadda hücuma məruz qalıb, hadisə nəticəsində 7 hərbçi yaralanıb.
Serbiyanın Baş naziri Duro Macut bildirib ki, zorakılıq demokratik ölkənin siması olmamalıdır. O, hər cür zorakılıq və qeyri-demokratik davranışı pisləyib, bütün siyasi aktorları və vətəndaşları gərginliyi azaltmağa çağırıb.
Nihad Budaqov
AZƏRTAC-ın xüsusi müxbiri
Belqrad
Daha ətraflı məlumat və yeniliklər üçün ain.az saytını izləyin.
