Qaynarinfo saytından alınan məlumatlara görə, ain.az xəbər verir.
Kanadanın "Barrick Mining" şirkəti bildirib ki, Malidəki Lulo-Qunqoto qızıl mədən kompleksi üzərində nəzarəti itirməsi səbəbilə itkisi 1,04 milyard dollar təşkil edib.
Qaynarinfo xəbər verir ki, Mali ilə "Barrick Mining" arasındakı münaqişə demək olar bir ildir davam edir.
Dünyanın ən böyük qızıl mədən komplekslərindən biri olan Lulo-Qunqoto "Barrick Mining" və Mali hökuməti tərəfindən birgə idarə olunur. Ölkə rəsmiləri şirkətdən təxminən 500 milyon dollar "əvvəllər ödənilməmiş vergilərin" ödənilməsini, həmçinin Mali hökumətinin və yerli investorların Lulo-Qunqoto layihəsindəki payının 20%-dən 35%-ə qədər artırılmasını tələb edir.
Keçən il Mali rəsmiləri şirkətin bir neçə üst səviyyəli menecerini müvəqqəti həbs etmiş, həmçinin "Barrick Gold"un baş direktoru üçün həbs qərarı çıxarmışdı. Yanvarda Mali hökuməti Lulo-Qunqoto-dan qızıl ixracını blokladı, bundan sonra şirkət kompleksdə işi dayandırıb.
Bu ilin iyun ayında Bamako Ticarət Arbitraj Məhkəməsi Lulo-Qunqoto-nu altı ay müddətinə müvəqqəti xarici idarəetməyə təhvil verib. Mədən işini bərpa etmək üçün "Barrick Mining" münaqişəni həll etmək məqsədilə Beynəlxalq İnvestisiya Münaqişələrinin Həlli Mərkəzinə müraciət edib.
Aydın
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
