Azərbaycan Respublikasının və Ermənistan Respublikasının xarici işlər nazirlərinin ATƏT-in Minsk Prosesi və əlaqəli strukturların (ATƏT-in fəaliyyətdə olan sədrinin Minsk konfransının müzakirəsində olan münaqişə üzrə şəxsi nümayəndəsi və Yüksək Səviyyəli Planlaşdırma Qrupunun) bağlanması ilə bağlı ATƏT-in fəaliyyətdə olan sədrinə birgə müraciətindən sonra, bu gün ATƏT Nazirlər Şurasının bağlanma ilə bağlı qərar layihəsi ATƏT iştirakçı dövlətləri arasında yayılıb...
Bu barədə Poliqon-a Azərbaycan XİN-in Mətbuat xidmətindən məlumat verilib.
Bildirilib ki, onlar qərarın qəbul edilməsi üçün lazımi prosedurları dəstəkləməyə çağırılıblar.
***
Ermənistan Xarici İşlər Nazirliyi ATƏT üzvlərinə ATƏT-in Minsk prosesi və onunla bağlı strukturların buraxılması barədə birgə müraciət göndərib.
APA xəbər verir ki, bu barədə nazirliyin mətbuat xidməti məlumat yayıb.
Bildirilib ki, təşkilata üzv ölkələrə müvafiq qərar layihəsi də göndərilib.
Poliqon.info
