“Mançester Yunayted” “Leyptsiq”in hücumçusu Benjamin Şeşkonun transferi üzərində aktiv işə başlayıb.
Sportinfo.az xarici KİV-ə istinadən xəbər verir ki, İngiltərə klubunun nümayəndələri sloveniyalı futbolçu və onun ətrafı ilə əlaqə yaradıblar.
“Mançester Yunayted” forvardı almaq üçün Markus Reşford və Alexandro Qarnaçonu satmağı planlaşdırır.
Daha əvvəl Şeşko İngiltərə klubuna keçməkdə maraqlı olduğunu açıqlayıb.
22 yaşlı futbolçu 2023-cü ildən “Leyptsiq”də çıxış edir. O, 2024/25 mövsümündə Almaniya klubunun heyətində 45 oyun keçirib, 21 qol vurub və 6 məhsuldar ötürmə edib.
