Bu gün UEFA Çempionlar Liqasında 3-cü təsnifat mərhələsinin püşkü atılır.
QOL.az xəbər verir ki, püşkdə 2-ci təsnifat mərhələsinin “Şelbrun” (Shelbourne) - “Qarabağ” cütünün rəqibi bəlli olub.
"Qarabağ" daha yüksək reytinqi səbəbindən səpələnmişlər səbətində yer alıb. Püşkün nəticəsinə əsasən, “Şelbrun” - “Qarabağ” cütünün cütünün qalibi 3-cü mərhələdə "Şkendiya" (Şimali Makedoniya) - FCSB (Rumıniya) cütünün qalibi ilə qarşılaşacaq.
"Qarabağ" mərhələ keçsə, ilk oyuu evdə keçirəcək.
3-cü mərhələnin oyunları 5/6 avqust və 12 avqust tarixlərində keçiriləcək.
***
Bəs, “Şelbrun” - “Qarabağ” cütünün məğlubu Avroliqada kiminlə qarşılaşacaq?
Bu gün həmçinin UEFA Avropa Liqasında 3-cü təsnifat mərhələsinin də püşkatma mərasimi keçiriləcək.
Mərasimdə Çempionlar Liqasının 2-ci təsnifat mərhələsinin “Şelbrun” (Shelbourne) - “Qarabağ” cütünün məğlubunun rəqibi də bəlli olacaq.
Bu cütlük səpələnməmişlər səbətində yer alacaq və onun rəqibi Avropa Liqasının 2-ci mərhələsinin qaliblərindən biri olacaq. Söhbət aşağıdakı 3 cütlükdən birinin ən güclüsündən gedir:
"HNK Riyeka (Xorvatiya)" - "Ludoqorets" (Bolqarıstan)
RFS (Latviya) - "Malmö" (İsveç)
"Linkoln" (Cəbəllütariq) - "Srvena Zvezda" (Serbiya)
Avropa Liqasının 3-cü təsnifat mərhələsinin püşkatma mərasimi Bakı vaxtı ilə saat 15:00-da başlanacaq.
