Dördüncü nəsil Su-35S döyüş təyyarəsi Rusiya Aerokosmik Qüvvələrinin ən yaxşı döyüş təyyarəsidir.
Publika.az xəbər verir ki, bu barədə Amerikanın “The National Interest” nəşrinin köşə yazarı Brendon Vayxert bildirib.
O, bu təyyarənin əsas üstünlüklərini də qeyd edib.
Köşə yazarının sözlərinə görə, NATO-da "Flanker-E" kod adı ilə tanınan Su-35S Rusiyanın istifadə etdiyi döyüş təyyarələri arasında lider mövqe tutur.
Vayxert qeyd edib ki, beşinci nəsil Su-57 döyüş təyyarəsi xüsusiyyətlərinə görə Su-35S-i üstələsə də, onun döyüş şəraitində istifadəsinə daha az rastlanır.
