“Qarabağ”ın baş məşqçisi Qurban Qurbanov Çempionlar Liqasının I təsnifat mərhələsi çərçivəsində “Linfild” və “Şelburn” arasında cavab oyununu izləyib.
Msport.az xəbər verir ki, Belfastda keçirilən görüş 1:1 hesabı ilə başa çatıb. İlk matçda “Şelburn” minimal hesabla qalib gəldiyindən (1:0) növbəti mərhələyə yüksəlib.
Ağdam klubu Avstriyadakı toplanışdan Bakəya qayıtsa da, Qurbanov oradan birbaşa Şimali İrlandiyaya yollanaraq, rəqibin oyununu izləyib.
Qeyd edək ki, “Şelburn”la “Qarabağ” arasında ilk oyun iyulun 23-də saat 22:45-də “Tolka Park”da keçiriləcək. Cavab oyunu isə iyulun 30-da Bakıda olacaq.
