"Football-plus.az" xəbər verir ki, bunu "Qarabağ"ın baş məşqçisi Qurban Qurbanov "Zaltsburq"la (1:2) yoxlama matçından sonra açıqlamasında deyib. Təcrübəli mütəxəssis komandanın Avstriya hazırlığını da dəyərləndirib:
“Toplanışda son oyunumuz idi. Futbolçular bu matça yüklənmiş halda çıxmışdılar. Həm son görüşdən, həm ümumi hazırlıqdan razı qaldım. Komandanın durumu normaldır. Optimal idman formasına düşmək üçün bir az vaxt lazımdı. Qarşıda oyundan-oyuna bunu hiss edəcəyik. Ümumilikdə bu gün hər futbolçunun daha yaxşı potensialı var. Bir neçə rəsmi oyundan sonra daha da idman formalarını yığacaqlar. Bundan sonra meydanda bir-birini daha yaxşı tamamlayacaqlar”.
Qeyd edək ki, "Qarabağ" növbəti həftə Çempionlar Liqasının 2-ci təsnifat mərhələsində ilk matçına çıxacaq.
