BAKI, 6 iyul. TELEQRAF
Braziliya prezidenti Lula da Silva BMT Təhlükəsizlik Şurasının genişləndirilməsinə çağırıb.
Teleqraf xəbər verirf ki, o, Asiya, Afrika və Latın Amerikası dövlətlərinin daimi üzvlər kimi quruma daxil olunmasını təklif edib.
O deyib: "Qarşılaşdığımız etimad böhranını aradan qaldırmaq üçün BMT Təhlükəsizlik Şurası kökündən dəyişdirilməlidir. Onu daha qanuni, təmsilçi, effektiv və demokratik etməliyik".
Braziliya liderinin sözlərinə görə, belə islahatlar BMT-nin mövcudluğunu təmin etmək üçün lazımdır.
Qeyd edək ki, bu gün Braziliyada BRICS Sammiti başlayıb.
