Neft İxrac Edən Ölkələr Təşkilatı (OPEC) və müttəfiqlərinin (OPEC+ qrupu) şənbə günü keçiriləcək iclasında neft hasilatının artırılmasını daha da sürətləndirməyə razılaşacağı gözlənilir.
Marja xəbər verir ki, Dünya neftinin təxminən yarısını təmin edən qrup, 2022-ci ildən bazarı dəstəkləmək üçün hasilatı azaldırdı. Lakin OPEC+ bazar payını bərpa etmək üçün bu il kursunu dəyişib Qeyd edək ki, ABŞ Prezidenti Donald Tramp benzin qiymətlərinin aşağı düşməsi üçün qrupdan daha çox neft hasil etməyi tələb edir
OPEC+ apreldə 138 000 barel artırmaq barədə qərar verdikdən sonra may, iyun və iyul aylarının hər birində hasilatı 411 000 barel artırıb. Müzakirələrlə tanış olan iki mənbə bildirib ki, OPEC + avqust ayında hasilatı gündəlik 550 000 barel artırmaq barədə razılaşa bilər.
Qrupun səkkiz üzvü - Səudiyyə Ərəbistanı, Rusiya, BƏƏ, Küveyt, Oman, İraq, Qazaxıstan və Əlcəzair - avqust ayı siyasətinə qərar vermək üçün şənbə günü onlayn görüşməlidir.
May, iyun və iyul aylarında əlavə hasilatın xam neft qiymətlərinə təsir etməsinə baxmayaraq, OPEC+ hasilatı artırmağı sürətləndirdir.
Sürətlənmə, Qazaxıstan və İraq kimi bəzi OPEC+ üzvlərinin qarşılarında qoyulan hasilat hədəflərini üstəmələrindən, bunun hasilatın azaldılmasına sadiq qalan digər üzvləri qəzəbləndirməsindən sonra baş verdi.
Qazaxıstanın neft istehsalı keçən ay artıma qayıdıb və bütün zamanların ən yüksək səviyyəsinə çatıb.
Mənbələrin bildirdiyinə görə, Neft İxrac Edən Ölkələr Təşkilatını və Rusiyanın başçılıq etdiyi müttəfiqləri birləşdirən OPEC+, ABŞ kimi digər istehsalçılardan artan hasilat fonunda bazar payını genişləndirmək niyyətindədir.
İndiyə qədər OPEC+ aprel-iyul ayları arasında hasilatı gündəlik 1,37 milyon barel artırdığını açıqlayıb ki, bu da azaldılmış 2,2 milyon barellik hasilatın 62%-ni təşkil edir.
