İyunun ortalarından etibarən Baltik dənizində GPS nasazlıqları daha tez-tez baş verir. Finlandiya və Riqa körfəzlərində, Finlandiya və Estoniya sahillərində, hətta Katteqat bölgəsində - Danimarka və İsveç arasındakı boğazda müdaxilə qeydə alınıb.
HİT.az xəbər verir ki, bu barədə İsveç Dəniz Xilasetmə Xidmətinin rəhbəri Adam Qroll Rasmussen "Aftonbladet"ə bildirib.
"Müdaxilə sahilə getdikcə yaxınlaşır və indi İsveç sahillərinə getdikcə daha çox təsir edir".
Rasmussen qorxur ki, GPS-ə arxalanan gəmilər xilasetmə əməliyyatlarını çətinləşdirərək quruya çıxa bilər:
"Axtarmalı olacağıq və insanları harada xilas edəcəyimizi dəqiq bilməyəcəyik".
Estoniyanın xarici işlər naziri Marqus Tsahkna hesab edir ki, bunun arxasında Rusiya dayanır:
"Rusiya yaxşı bilir ki, onun yaratdığı müdaxilə aviasiyamız üçün təhlükəlidir və Rusiyanın qoşulduğu beynəlxalq konvensiyaları pozur. İnsan həyatını təhdid edən bu məqsədyönlü hərəkət İT hücumu kimi təsnif edilə bilər".
Danimarkalı İT analitiki Kristian Panton müdaxiləni diqqətlə araşdırıb. O, dərc etdiyi hesabatda Rusiyanın üzərinə də məsuliyyət qoyur. Pantonun fikrincə, bu, “spoofing” adlanır: siqnallar elə təhrif olunur ki, qəbuledici səhv məlumat alır. Onun araşdırmaları göstərir ki, Rusiya gəmiləri müdaxilənin gəldiyi ərazidə üçbucaqlı şəkildə üzür - ehtimal ki, fasilələrə səbəb olanlar onlardır.
Samir
