Klublararası dünya çempionatının 1/8 final mərhələsində daha bir oyun keçirilib.
QOL.az xəbər verir ki, “Mançester Siti” (İngiltərə) ilə “Əl-Hilal” (Səaudiyyə Ərəbistanı) üz-üzə gəlib. Matçda sensasiyalı nəticə qeydə alınıb.
Xosep Qvardiolanın rəhbərlik etdiyi “Mançester Siti” uduzaraq (3:4) yarışda mübarizəni erkən başa vurub.
“Mançester Siti” (İngiltərə) - “Əl-Hilal” (Səudiyyə Ərəbistanı) - 3:4
Qollar: B.Silva, 9 (1:0), M.Leanardo, 46 (1:1), E.Halland, 55 (2:1), Malkom, 52 (2:2), K.Kulibali, 94 (2:3), F.Foden, 104 (3:3), M.Leanardo, 112 (3:4).
1/4 finalda “Əl-Hilal” “Fluminense” (Braziliya) ilə qarşılaşacaq.
Digər iki müəyyən olunan cütlükdə “Palmeyras” “Çelsi” ilə, “Bavariya” isə PSJ ilə üz-üzə gələcək.
1/4 finala sonuncu vəsiqə uğrunda “Real” - “Yuventus” və “Borussiya” Dortmund - “Monterrey” cütlükləri yarışacaq.
