Almaniya müdafiə naziri Boris Pistorius müdafiə qabiliyyətinin gücləndirilməsi kursunu və partiyasındakı qeyd-şərtlərə qarşı Ukrayna ilə həmrəyliyi müdafiə edib. Pistorius, Berlində SPD partiyasının konfransında Rusiya prezidenti Vladimir Putinlə bağlı “Kremldəki bu imperialist danışıqlar aparmaq istəmir, sülh istəmir. Sülhə nail olmaq üçün hər iki tərəf hər zaman istəkli olmalıdır”, – deyib.
Rusiyanın tamamilə müharibə iqtisadiyyatına keçdiyini müdafiə edən Pistorius, “Rusiyanın ordusu gələn il Ukrayna müharibəsi başlamazdan əvvəl olduğundan iki qat daha böyük olacaq”, – dedi.
Müdafiə naziri bildirib ki, bu səbəbdən Almaniya və NATO hazırda yenidən silahlanmada deyil, boşluğu aradan qaldırmaqda maraqlıdırlar. Pistorus xəbərdarlıq edib ki, Putin yalnız bir dili, gücün dilini başa düşür.
SPD saatlarla davam edən danışıqlardan sonra hərbi xidmətə çağırışla bağlı razılığa gəlib. Könüllülük norma olacaq, lakin gəncləri hərbi xidmətə çağırmaq mümkün olacaq.
SPD partiyası müzakirələri başlayarkən hərbi xidmətə çağırış bağlı demək olar ki, parçalanıb. Saatlarla davam edən danışıqlardan sonra kompromis əldə olunub. SPD Alman ordusuna bütün gəncləri hərbi xidmətə çağırmağa icazə verib. Lakin məcburi hərbi xidmətə çağırış həyata keçirilməyəcək.
***
İki güclü SPD fiquru “Wehrpflicht” məsələsi üzərində toqquşub. Müdafiə naziri Boris Pistorius könüllülərin kifayət qədər olmadığı təqdirdə gənclərin hərbi xidmətə çağırılmasını istəyib. Bunun əksinə olaraq, Parlament Qrupunun sədri Mattias Mirş növbəti ümumi seçkilərə qədər hərbi xidmətə çağırış ideyasını qəti şəkildə rədd edib. Mirş iddia etdi ki, nazir Pistorius Bundesverin kadr problemlərini məcburi tətbiqlərə əl atmadan əlavə büdcələrlə həll etməlidir. Onun yanında partiyanın qurultayında məcburi hərbi xidmətə qarşı qətnamə qəbul etməyə çalışan Yusos gənclər qanadı var idi.
***
Böyük bir parçalanmanın qarşısını almaq üçün partiya liderləri Lars Klinqbeyl və Barbel Bas, Pistorius, Mirş və Yusos sədri Filipp Türmer ilə birlikdə partiyanın qurultay zalının yanında saatlarla danışıqlar apardılar. Bütün bəyanatlar bir-bir müzakirə edildi və konsensus axtarıldı.
Nəticədə, kompromis mətnə aşağıdakı ifadə əlavə edildi: “SPD könüllüliyə və İsveç modelinə əsaslanan yeni hərbi xidmət sisteminin tərəfdarıdır. Məqsəd həm ordunun, həm də ehtiyatların lazımi səviyyəyə çatması üçün hərbi xidmətin cəlbediciliyini artırmaqdır. Bundesver ən azı 60.000 əlavə ehtiyat əsgərə çatmalıdır”.
“Təhlükəsizlik siyasəti və ya Bundesverin ehtiyacları tələb edərsə, biz hərəkətə keçməyi bacarmalıyıq”.
