26-28 iyun tarixlərində Qazaxıstanın Atırau şəhərində 16 yaşa qədər oğlan basketbolçular arasında "Airom Cup" beynəlxalq turniri baş tutub.
Bakıvaxtı.az xəbər verir ki, turnirdə iştirak edən Azərbaycanın U-16 millisını bürünc medal qazanıb.
Yığma komanda "Auyl Sport"a 60:33, "Keepers"ə 71:16, "Kutaisi"yə 58:51 hesabı ilə qalib gəlib, "Barsy Atırau"ya isə 54:72 hesabı ilə məğlub olub.
Bu nəticələrdən sonra türkiyəli mütəxəssis Erhan Tokerin rəhbərlik etdiyi milli komanda beynəlxalq turnirini 3-cü pillədə tamamlayıb.
