İranın nüvə obyektlərindən birinin yerləşdiyi İsfahan şəhərində güclü partlayış səsi eşidilib.
Oxu.Az-ın xəbərinə görə, bu barədə "Al Mayadeen" telekanalı məlumat yayıb.
"Tasnim" agentliyi xəbər verir ki, partlayış səsləri Tehranın şərqindəki Hakimiyyə və Tehranpars rayonlarında da eşidilib.
İyunun 13-nə keçən gecədən İsrail və İran bir-birinə zərbələr endirir və ölkələr bir-birinə qarşı "Yüksələn aslan" və "Əsl vəd 3" hərbi əməliyyatlarına başlayıblar.
IDF nüvə və hərbi obyektlərə, eləcə də yüksək rütbəli hərbçilərə hücum edib. İranda azı 78 nəfər ölüb, 320-dən çox insan yaralanıb.
Buna cavab olaraq İran İsrailə bir neçə dəfə raket zərbəsi endirib. Yaralıların sayı 60 nəfəri ötüb. Bir qadın ölüb.
