Lənkəranda avtomobil 8 yaşlı uşağı vurdu

Lənkəran şəhərində azyaşlı qızın xəsarət alması ilə nəticələnən yol-nəqliyyat qəzası baş verib.

Bizim.Media xəbər verir ki, hadisə günorta saatlarında şəhər ərazisində qeydə alınıb.

Hərəkətdə olan minik avtomobili 2017-ci il təvəllüdlü, Lənkəran sakini R.Ş.-ni vurub.

Yaralı dərhal Lənkəran Rayon Mərkəzi Xəstəxanasına çatdırılıb. Ona ilkin tibbi yardım göstərilib və hazırda müalicəsi xəstəxananın aidiyyəti şöbəsində davam etdirilir.

Qəza ilə bağlı araşdırmalara başlanılıb.

Sabutay, Bizim.Media, Cənub bürosu